Ruoŧa Duopmostuoluid bargogohččun ja rolla

Riektedorvvolašvuohta oaivvilda ahte servodat váldá ovddasvástádusa suodjalit olbmuid gillát rihkkumiin. Jus soapmása eallin, dearvvašvuohta, friddjavuohta, integritehta dahje opmodat goitge fallehuvvo, servodat galgá čađahit govttolaš doaibmabijuid vai rihkkun čovdojuvvo ja sivalaš dubmejuvvo.

Riektesihkkaris servodagas lágat, njuolggadusat ja norpmat fertejit leat einnostahtti. Dat oaivvilda ovdamearkka dihte ahte ii oktage galgga sáhttit áššáskuhttot dahje dubmehallot jus ii leat čielga doarjja lágas dahje jus ii leat doarvái duođaštus. Riektesihkkarvuohta mearkkaša maid ahte sullasaš áššit galget gieđahallot seammá ládje ja buohkat leat ovttadássásaččat lága ektui beroškeahttá máttu dahje sohkabeali.

Riektedoaimmahahkii gullojit duopmostuolut ja dat rihkkumiid eastadeaddji ja guorahalli eiseválddit. Dat leat:

• Duopmostuolut ja lávdegottit
• Rihkkumiid oaffariid eiseváldi  
• Ekorihkkuneiseváldi
• Kriminálafuolahus
• Poliisaeiseváldi
• Sihkkarvuođapoliisa
• Áššáskuhttineiseváldi

Maid eará eiseválddiin sáhttet leat bargogohččumat mat leat riektedoaimmahaga siskkobealde dahje leat čadnon dasa. Ovdamearkkat dakkár eiseválddiin leat Riektemedisiinnadoaimmahat ja Kronofogdaeiseváldi.

Diggerievttit, hoavvarievttit ja Alimus duopmostuollu gohččoduvvojit almmolaš duopmostuollun. Dat mearridit rihkkunáššiid, riidoáššiid ja áššiid. Pateanta- ja márkanduopmostuolut ja eanan- ja birasduopmostuolut gullojit maid almmolaš duopmostuoluide.

Hálddahusrievttit, gámmirrievttit ja Alimus hálddahusduopmostuollu gohččoduvvojit hálddahusduopmostuolut. Hálddahusduopmostuolut mearridit riidduid ovttaskas olbmuid ja eiseválddiid gaskal ja riidduid fitnodagaid ja eiseválddiid gaskal. Danin váidala hálddahusriektái eiseváldemearrádusa, ovdamearkka dihte jus lea vearu dahje buohccedáhkádus birra.

Migrašuvdnaduopmostuolut gullojit maid hálddahusduopmostuoluide.

Ruoŧa Duopmostuoluide gullojit badjel 80 duopmostuolu, lávdegotti ja eiseválddi. Ruoŧa duopmostuolut lea miehtá riikka ja leat sullii 7 500 mielbargi.

Ruoŧa Duopmostuoluide rehkenastojit maid Láigo- ja eananláigolávdegottit, Riekteveahkkeeiseválddit ja Duopmostuollodoaimmahat. Leat juste dego dat eará duopmostuolut ollát iešráđálaččat.

Ruoŧas lea vuđolaš vuoigatvuohta oažžut iežas ášši geahččaluvvon duopmostuolus. Duopmostuoluid bargu lea mearridit áššiid riektasihkkaris ja beaktilis vuogi mielde.

Dehálaš prinsihppa lea ahte duopmostuolut leat iešráđálaččat ja sorjjasmeahttumat. Dat muddejuvvo Ruoŧa vuođđolágas. Ii riikabeaivi, ráđđehus dahje juoga iežá eiseváldi oačču mearridit got duopmostuollu galgá dubmet ovttaskas áššis.

Don sáhtát oažžut almmolaš veahki duopmostuolus, ovdamearkka dihte go deavddát ohcamuša stevdnemii riiddu oktavuođas dahje jus háliidat diehtit got lágasteapmi čađahuvvo. Don sáhtát maid váldit oktavuođa duopmostuoluin ja gáibidit oažžut oasi duomus.

Muhto duopmostuolut eai atte juridihkalaš veahki. Olles duopmostuolu doaibma lea huksehuvvon objektivitehta ja sorjjasmeahttunvuođa nala, danin it sáhte oažžut vástádusa got okta láhka galgá dulkojuvvot ovttaskas áššis ovdal go duopmostuollu duođas lea geahččalan dan.Advokáhttabyrå sáhttá veahkehit du dakkár jearaldagaiguin.

Riikabeaivi mearrida makkár lágaid galget leat Ruoŧas. Duopmostuoluid rolla lea dubmet daid lágaid mielde mat gávdnojit.