O nalogo thaj i uloga e Švediakere krisenge

Pravno bezbedibe odnesinelape keda jekh društvo ljela odgovornost te zaštitinel e manušen te na oven izložime ko krivično delia. Te disaveskoro dživdipe, sastipe, sloboda, integriteti ja imovina napadinelape, tegani o društvo ka ljel razumno mere rešibaske o krivično delia thaj te krisarinen e krivcon.

Či jekh društvo ka ovel pravno sigurno, o kanunia, o pravilia thaj o norme mora te oven anglaldikhle. Ko misal, odova značinela so nikoj na ka optužinelpe ja ka krisinelpe bizo jasno potpora ko kanuni ja dovolno dokazia. Pravno siguribe isto značinela so isto slučaevia ka razmatrinenpe ko isto čani thaj sarine tane ravnopravno anglo o kris, bizi razlika ko poreklo ja spolno pol.

Ko pravokrisipe pripadinena o krisia thaj organ uprave so sprečinena thaj istražinena krivično delia. Odova značinela:

• Krisia thaj odboria
• Organ uprava bašo žrtve ko kriminaliteti
• Organ uprava bašo privredno kriminaliteti
• Kazneno-popravno domi/zatvor
• Policiakiri organ uprava
• Služba baši državakiri bezbednost
• Javno tužilaštvo

Thaj averen organ upraven šaj te ovel nalogia so pripadinena ko pravokrisipe ja isi olen veze odolea. Primer ko asavke organ uprave tane Odbor baši krisakiri medicina thaj Kriseskoro izvršiteli.

Osnovno kris, dujtostepeno kris thaj o Vrhovno /hembaro kris akharenape o opto krisia. Ola odlučinena krivično postupkia, gradžansko parnica hem predmetia. Patent – pazareskere krisia, thaj phuvjakoro – thaj ekologiakere krisia pripadinena isto ko opšto krisia.

Upravno krisia, pobare upravno krisia thaj o Vrhovno upravno kris akharenape upravibaskere krisia. O upravno krisia odlučinena sporia maškar poedinačno manuša thaj organ uprave thaj sporia maškar firme thaj organ uprave. Znači, ko upravibaskoro kris šaj te žalinelpe jekh odluka tari organ uprava, ko primer bašo porezi ja sastipaskoro osiguribe.

O krisia migraciake isto pripadinena ko upravibaskere krisia.

Ko Švediakere krisia pripadinena prekal 80 krisia, odboria thaj organ uprave. Švediakere krisia isi ki soro phuv thaj isi olen cirka 7 500 sorabotnikia.

Maškar e Švediakere krisia računinenape isto Stanarsko – thaj zakupninakere odboria, Organ uprave baši pravno pomoč thaj Zavod kriseske. Ola tane samostalno, isto sar sa o krisia.

Ki Švedia, jekh temelikano hako tano jekh predmeti te razmatrinelpe ko kris. E kriseskere zadače tane te odlučinen slučaevi thaj predmetia ko jekh pravno bezbedimo thaj efektivnikano čani.

Jekh importantno principi tano o krisia tane samostalno thaj bizavisno. Odova regulirinelape ko Švedikanoro ustav. Ni o parlamenti, ni i vlada ja disavi organ uprava odlučinela sar jekh kris ka rešinel ko jekh poedinačno slučaj.

Tu šaj te dobine opšto pomoč taro jekh kris, ko primer sar ka phere jekh molba bašo kriseskoro poziv, vezaja spor ja te mangea te džane sar funkcirinela jekh krisaripe. Isto šaj te kontaktirine jekhe krise hem te rode te dobine kotor tari jekh presuda.

Nasuprot, o krisia na dena pravno godidejbe. Soro kriseskiri delatnost temelinelape ko objektiviteti thaj neutraliteti, odoleske našti te dobine odgovor bašo sar jekh kanuni ka tumačinelpe ko jekh posebno slučaj angleder o kris ka anel odluka. Odole pučibaske šaj te pomožinel jekh advokatikano biro.

O parlamenti odlučinela save kanunia ka važinen ki Švedia. E kriseskere uloge tane te sudinen palo postoime kanunia.